Skip to content
Logo
Keppnisforritunarfélag Íslands
Félag keppnisforritara á Íslandi
GitHubDiscordFacebook

Aðalfundur 2021

Aðalfundur Keppnisforritunarfélags Íslands verður haldinn 25. apríl næstkomandi, kl. 12:00 – 13:00 í gegnum Google Meet. Aðeins þeir félagsmenn sem hafa greitt félagsgjöld seinasta árs hafa atkvæðisrétt (ef þú ert ekki viss um hvort þú hafir greitt eða ekki þá geturðu sent okkur póst), en við minnum á að hver sem er getur gengið í félagið.

Leitast er eftir nýrri stjórn; 1 formaður, 2 meðstjórnendur og 3 varamenn. Félagsmenn sem hafa áhuga á að bjóða sig fram eru beðnir um að senda póst á núverandi stjórn þar sem fram kemur nafn á frambjóðanda og þær stöður sem boðið er fram í. Einnig biðjum við um að tillögur að lagabreytingum og aðrar ábendingar berist á sama netfang. Frambjóðendur og tillögur að lagabreytingum verða settar hér á vefsíðu félagsins eftir því sem þær berast.

Dagskrá

  1. Kosning fundarstjóra og fundarritara.
  2. Skýrsla stjórnar flutt.
  3. Endurskoðaðir reikningar lagðir fram til afgreiðslu.
  4. Lagabreytingar.
  5. Kosning stjórnarmanna.
  6. Kosning skoðunarmanns reikninga.
  7. Ákvörðun félagsgjalds.
  8. Kosning liðsstjóra og varaliðsstjóra Ólympíuliðs Íslands í forritun.
  9. Önnur mál, ef tími leyfir:
    1. NWERC 2020 og NWERC 2021.
    2. Starfsemi félagsins næsta ár.

Hlökkum til að sjá sem flesta!

Arnar Bjarni Arnarson, formaður
Bernhard Linn Hilmarsson, meðstjórnandi
Bjarki Ágúst Guðmundsson, meðstjórnandi