Keppnisforritunarfélag Íslands var stofnað þann 25. mars 2017 með það markmið að rækta samfélag keppnisforritara á Íslandi. Félagið stendur að reglulegum fræðslufundum og forritunarkeppnum sem meðlimir geta tekið þátt í. Þar að auki sér félagið um þátttöku Íslands í Ólympíuleikunum í forritun, ásamt tilheyrandi undirbúningi og þjálfun, sem byrjar með Forritunarkeppni grunnskólanna í samstarfi við Tækniskólann, og svo Forritunarkeppni framhaldsskólanna í samstarfi við Háskólann í Reykjavík.

Háskólakeppnin í forritun 2019

Háskólakeppnin í forritun 2019 verður haldin í Háskólanum í Reykjavík laugardaginn 5. október kl. 9:00 – 14:00, í stofu M201. Boðið verður upp á pizzur í hádeginu. Hvert lið samanstendur af allt að þremur einstaklingum, en leiðbeiningar um skráningu er að finna hér. Skráning lokar 2. október kl. 23:59. Keppnin er skipulögð í samstarfi við Háskólann í Reykjavík, og er haldin samhliða Norðurlandakeppninni í forritun.

Við hvetjum alla sem hafa áhuga á forritun, stærðfræði og/eða verkefnalausnum að taka þátt. Keppnin er hugsuð fyrir byrjendur jafnt sem lengra komna, og er aðal málið að hafa gaman af. Einnig má hafa í huga að því fleiri sem taka þátt í þessari keppni, því fleiri sæti fær Norðvestur-Evrópa í Heimskeppninni í forritun, sem stóreykur líkur Íslands á að komast alla leið!

Hverjir mega taka þátt?

Keppnin er sérstaklega ætluð háskólanemum, sér í lagi nemendum úr Háskólanum í Reykjavík og Háskóla Íslands, en nemendur úr framhaldsskólum eru líka velkomnir. Þeir sem falla ekki undir þessa hópa, en langar að taka þátt, er boðið að hafa samband.

Hvernig fer keppnin fram?

Hvert lið má aðeins nota eina tölvu á meðan keppninni stendur, og þarf liðið að koma með sína eigin tölvu. Liðið fær svo um 10 verkefni, og hefur 5 klukkustundir til að leysa eins mörg af þeim og það getur. Lið leysir verkefni með því að útfæra forrit sem framkvæmir það sem beðið er um í verkefnalýsingu, og skilar kóðanum á yfirferðarþjóninn Kattis. Upplýsingar um hvaða forritunarmál Kattis styður, og leiðbeiningar um hvernig á að skila kóða inn á Kattis, má finna hér.

Hvernig verkefni eru þetta?

Verkefnin eru miserfið, af mismunandi toga, og reyna meðal annars á kunnáttu á forritun, reikniritum og stærðfræði, og beitingu á rökhugsun. Hægt er að skoða dæmi frá gömlum keppnum hér.

Hvernig get ég æft mig?

Laugardaginn 28. september verður haldin undirbúningskeppni á Kattis.

Hægt er að finna ógrynni af verkefnum til að æfa sig á á Open Kattis, en þar má einmitt finna dæmi úr Norðurlandakeppninni í forritun aftur til ársins 2005.

Forritunarkeppni Háskóla Íslands 2019

Forritunarkeppni Háskóla Íslands 2019 var haldin 23. september í HÍ. Keppnin er liðakeppni, en að þessu sinni tóku 9 lið þátt – samtals 24 keppendur. Liðið Er fössari? bar sigur úr býtum með 3 dæmi leyst. Í öðru sæti var liðið Synir Sáms, og í þriðja sæti var liðið Bakstrætis bræðurnir, en þau leystu einnig 3 dæmi hvort, en með hærri tímarefsingu.

Efni

Vorkeppni HR í forritun 2019

Þann 19. maí var Vorkeppni HR í forritun haldin í Háskólanum í Reykjavík. Keppnin er einstaklingskeppni, en að þessu sinni tóku 14 keppendur þátt. Bernhard Linn Hilmarsson bar sigur úr býtum með öll 8 dæmin leyst. Í öðru sæti var Bjarni Dagur Thor Kárason með 5 dæmi, og rétt á eftir komu þeir Ásþór Björnsson og Sigurður Helgason með 4 dæmi hvor.

Keppnin var æsispennandi

Efni

  • Dæmalýsingar (PDF, Kattis)
  • Lausnarglærur (PDF)
  • Lýsingar, lausnir og prófunartilvik (zip)
  • Heildarniðurstöður (Kattis, HTML)

Stelpur og tækni

Keppnisforritunarfélag Íslands tók þátt í Stelpur og tækni, árlegur atburður í Háskólanum í Reykjavík þar sem hátt í þúsund stelpur úr 9. bekkjum grunnskóla koma og læra um mismunandi tæknigreinar.

Félagið fjallaði um hvernig er hægt að nota forritun og tölvur til að leysa þrautir af mismunandi toga. Hægt er að finna þrautirnar, lausnir og fleiri tengla hér: Að leysa þrautir með forritun.

Aðalfundur

Aðalfundur Keppnisforritunarfélags Íslands verður haldinn 30. janúar næstkomandi, kl. 18:00 í stofu M109 í Háskólanum í Reykjavík. Aðeins þeir félagsmenn sem hafa greitt félagsgjöld seinasta árs hafa atkvæðisrétt (ef þú ert ekki viss um hvort þú hafir greitt eða ekki þá geturðu sent okkur póst), en við minnum á að hver sem er getur gengið í félagið.

Leitast er eftir nýrri stjórn; 1 formaður, 2 meðstjórnendur og 3 varamenn. Félagsmenn sem hafa  áhuga á að bjóða sig fram eru beðnir um að senda póst á núverandi stjórn þar sem fram kemur nafn á frambjóðanda og þær stöður sem boðið er fram í. Einnig biðjum við um að tillögur að lagabreytingum og aðrar ábendingar berist á sama netfang. Frambjóðendur og tillögur að lagabreytingum verða settar hér á vefsíðu félagsins eftir því sem þær berast.

Framboð

Formaður (1 staða)

  • Bjarki Ágúst Guðmundsson

Meðstjórnendur (2 stöður)

  • Arnar Bjarni Arnarson
  • Bernhard Linn Hilmarsson
  • Bjarki Ágúst Guðmundsson
  • Hannes Kr. Hannesson

Varamenn (3 stöður)

  • Arnar Bjarni Arnarson
  • Bernhard Linn Hilmarsson
  • Bjarki Ágúst Guðmundsson
  • Hannes Kr. Hannesson

Dagskrá

  1. Kosning fundarstjóra og fundarritara.
  2. Skýrsla stjórnar flutt.
  3. Endurskoðaðir reikningar lagðir fram til afgreiðslu.
  4. Lagabreytingar.
  5. Kosning stjórnarmanna.
  6. Kosning skoðunarmanns reikninga.
  7. Ákvörðun félagsgjalds.
  8. Kosning liðsstjóra og varaliðsstjóra Ólympíuliðs Íslands í forritun.
  9. Önnur mál, ef tími leyfir:
    1. Þátttaka Íslands á Ólympíuleikunum í forritun síðastliðið sumar.
    2. Starfsemi félagsins næsta ár.

Hlökkum til að sjá sem flesta!

Unnar Freyr Erlendsson, formaður
Arnar Bjarni Arnarson, meðstjórnandi
Bjarki Ágúst Guðmundsson, meðstjórnandi

Háskólakeppnin í forritun 2018

Háskólakeppnin í forritun 2018 verður haldin í Háskólanum í Reykjavík þann 6. október kl. 9:00 – 14:00, í stofu M201. Boðið verður upp á pizzur í hádeginu. Hvert lið samanstendur af allt að þremur einstaklingum, en leiðbeiningar um skráningu er að finna hér. Skráning lokar 3. október kl. 23:59. Keppnin er skipulögð í samstarfi við Háskólann í Reykjavík, og er haldin samhliða Norðurlandakeppninni í forritun.

Við hvetjum alla sem hafa áhuga á forritun, stærðfræði og/eða verkefnalausnum að taka þátt. Keppnin er hugsuð fyrir byrjendur jafnt sem lengra komna, og er aðal málið að hafa gaman af. Einnig má hafa í huga að því fleiri sem taka þátt í þessari keppni, því fleiri sæti fær Norðvestur-Evrópa í Heimskeppninni í forritun, sem stóreykur líkur Íslands á að komast alla leið!

Hverjir mega taka þátt?

Keppnin er sérstaklega ætluð háskólanemum, sér í lagi nemendum úr Háskólanum í Reykjavík og Háskóla Íslands, en nemendur úr framhaldsskólum eru líka velkomnir. Þeir sem falla ekki undir þessa hópa, en langar að taka þátt, er boðið að hafa samband.

Hvernig fer keppnin fram?

Hvert lið má aðeins nota eina tölvu á meðan keppninni stendur, og þarf liðið að koma með sína eigin tölvu. Liðið fær svo um 10 verkefni, og hefur 5 klukkustundir til að leysa eins mörg af þeim og það getur. Lið leysir verkefni með því að útfæra forrit sem framkvæmir það sem beðið er um í verkefnalýsingu, og skilar kóðanum á yfirferðarþjóninn Kattis. Upplýsingar um hvaða forritunarmál Kattis styður, og leiðbeiningar um hvernig á að skila kóða inn á Kattis, má finna hér.

Hvernig verkefni eru þetta?

Verkefnin eru miserfið, af mismunandi toga, og reyna meðal annars á kunnáttu á forritun, reikniritum og stærðfræði, og beitingu á rökhugsun. Hægt er að skoða dæmi frá gömlum keppnum hér.

Hvernig get ég æft mig?

Hægt að finna ógrynni af verkefnum til að æfa sig á á Open Kattis, en þar má einmitt finna dæmi úr Norðurlandakeppninni í forritun aftur til ársins 2005.

Aðalfundur 2017

Aðalfundur Keppnisforritunarfélags Íslands verður haldinn 1. nóvember næstkomandi, kl. 17:00 í stofu M109 í Háskólanum í Reykjavík. Fundurinn er einungis opinn félagsmönnum, en við minnum á að hver sem er getur gengið í félagið.

Leitast er eftir nýrri stjórn; 1 formaður, 2 meðstjórnendur og 3 varamenn. Félagsmenn sem hafa áhuga á að bjóða sig fram eru beðnir um að senda póst á núverandi stjórn þar sem fram kemur nafn á frambjóðanda og þær stöður sem boðið er fram í. Einnig biðjum við um að tillögur að lagabreytingum og aðrar ábendingar berist á sama netfang. Frambjóðendur og tillögur að lagabreytingum verða settar hér á vefsíðu félagsins eftir því sem þær berast.

Framboð

Formaður (1 staða)
  • Unnar Freyr Erlendsson
Meðstjórnendur (2 stöður)
  • Arnar Bjarni Arnarson
  • Bjarki Ágúst Guðmundsson
Varamenn (3 stöður)
  • Hannes Kr. Hannesson

Tillögur að lagabreytingum

  1. Taka upp skammstöfunina KFFÍ.1. greinFélagið heitir Keppnisforritunarfélag Íslands (KFFÍ).
  2. Ef félaginu er slitið þá renna eignir þess til ICE-TCS.11. greinÁkvörðun um slit félagsins skal taka á aðalfundi með einföldum meirihluta atkvæða og renna eignir þess til Íslenska stærðfræðafélagsins ICE-TCS, Icelandic Centre of Excellence in Theoretical Computer Science.
  3. Félagar sem borga ekki félagsgjöld eru skráðir úr félaginu.9. greinÁkvörðun um félagsgjald skal tekin á aðalfundi. Félagsgjöld skulu innheimt árlega. Í lok hvers starfstímabils eru félagar sem ekki hafa borgað félagsgjald þess starfstímabils skráðir úr félaginu.

Dagskrá

  1. Kosning fundarstjóra og fundarritara.
  2. Skýrsla stjórnar flutt.
  3. Endurskoðaðir reikningar lagðir fram til afgreiðslu.
  4. Lagabreytingar.
  5. Kosning stjórnarmanna.
  6. Kosning skoðunarmanns reikninga.
  7. Ákvörðun félagsgjalds.
  8. Kosning liðsstjóra og varaliðsstjóra Ólympíuliðs Íslands í forritun.
  9. Önnur mál, ef tími leyfir:
    1. Þátttaka Íslands á Ólympíuleikunum í forritun síðastliðið sumar.
    2. Starfsemi félagsins næsta ár.

Hlökkum til að sjá sem flesta!

Bjarki Ágúst Guðmundsson, formaður
Arnar Bjarni Arnarson, meðstjórnandi
Unnar Freyr Erlendsson, meðstjórnandi

Háskólakeppnin í forritun 2017

Háskólakeppnin í forritun 2017 verður haldin í Háskólanum í Reykjavík þann 7. október kl. 9:00 – 14:00, í stofu M110. Boðið verður upp á pizzur í hádeginu. Hvert lið samanstendur af allt að þremur einstaklingum, en leiðbeiningar um skráningu er að finna hér. Skráning lokar 5. október kl. 16:00. Keppnin er skipulögð í samstarfi við Háskólann í Reykjavík, og er haldin samhliða Norðurlandakeppninni í forritun.

Við hvetjum alla sem hafa áhuga á forritun, stærðfræði og/eða verkefnalausnum að taka þátt. Keppnin er hugsuð fyrir byrjendur jafnt sem lengra komna, og er aðal málið að hafa gaman af. Einnig má hafa í huga að því fleiri sem taka þátt í þessari keppni, því fleiri sæti fær Norðvestur-Evrópa í Heimskeppninni í forritun, sem stóreykur líkur Íslands á að komast alla leið!

Hverjir mega taka þátt?

Keppnin er sérstaklega ætluð háskólanemum, sér í lagi nemendum úr Háskólanum í Reykjavík og Háskóla Íslands, en nemendur úr framhaldsskólum eru líka velkomnir. Þeir sem falla ekki undir þessa hópa, en langar að taka þátt, er boðið að hafa samband.

Hvernig fer keppnin fram?

Hvert lið má aðeins nota eina tölvu á meðan keppninni stendur, og þarf liðið að koma með sína eigin tölvu. Liðið fær svo um 10 verkefni, og hefur 5 klukkustundir til að leysa eins mörg af þeim og það getur. Lið leysir verkefni með því að útfæra forrit sem framkvæmir það sem beðið er um í verkefnalýsingu, og skilar kóðanum á yfirferðarþjóninn Kattis. Upplýsingar um hvaða forritunarmál Kattis styður, og leiðbeiningar um hvernig á að skila kóða inn á Kattis, má finna hér.

Hvernig verkefni eru þetta?

Verkefnin eru miserfið, af mismunandi toga, og reyna meðal annars á kunnáttu á forritun, reikniritum og stærðfræði, og beitingu á rökhugsun. Hægt er að skoða dæmi frá gömlum keppnum hér.

Hvernig get ég æft mig?

Haldin verður æfingakeppni 1. október kl. 9:00 – 14:00, í stofu M201 í Háskólanum í Reykjavík. Boðið verður upp á pizzur í hádeginu. Þar verður farið yfir grunnatriði tengd forritunarkeppnum, og geta keppendur beðið um aðstoð á meðan æfingakeppninni stendur. Þetta verður líka tilvalinn staður til að mæta á ef einstaklingar eru í leit að liðsfélögum.

Einnig er hægt að finna ógrynni af verkefnum til að æfa sig á á Open Kattis, en þar má einmitt finna dæmi úr Norðurlandakeppninni í forritun síðan 2005.