Forritunarkeppni Háskólanna á Íslandi 2024

Atburðurinn

Forritunarkeppni Háskólanna á Íslandi var haldin í fyrsta sinn þann 14. september árið 2024. Hún var haldin í Háskólanum í Reykjavík í stofu M201. Þar gátu nemendur myndað allt að þriggja manna lið og reynt við forritunarverkefnin.

Samtals 13 lið skráðu sig í keppnina.

• Nemendur úr Háskólanum í Reykjavík mynduðu 6 lið.
• Nemendur úr Háskóla Íslands mynduðu 2 lið.
• Einnig voru 5 lið aukalega.

Í keppninni reyndu liðin við 13 miserfið verkefni í 5 klukkustundir. Hvert verkefni sem lið leysti veitti þeim eitt stig og eina blöðru, en blöðrur eru gömul hefð í háskólakeppnum í forritun.

Í þriðja sæti var liðið Skordýr frá Háskólanum í Reykjavík sem leysti 5 verkefni. Meðlimir liðsins voru Bjartur Sigurjónsson, Einar Darri Sveinbjörnsson, Elías Hrafn Halldórsson. Þeir fengu 7,500 krónu gjafabréf í ELKO í verðlaun.

Í öðru sæti var liðið Hakk og Spaghetti frá Háskólanum í Reykjavík sem leysti 6 verkefni. Meðlimir liðsins voru Dagur Benjamínsson og Kristinn Vikar Jónsson. Þeir fengu 7,500 krónu gjafabréf í ELKO í verðlaun.

Í fyrsta sæti var liðið Codebusters frá Háskóla Íslands sem leysti 9 verkefni. Meðlimir liðsins voru Benedikt Vilji Magnússon, Kári Hlynsson og Matthías Andri Hrafnkelsson. Þeir fengu 15,000 krónu gjafabréf í ELKO í verðlaun.

Næst á dagskrá er Norðurlandakeppnin NCPC sem verður haldin í Háskóla Íslands þann 5. október. Nánari upplýsingar um hana má finna hér.

Hlekkir

• Stigatafla
• Verkefni
• Keppnisgögn

Viðurkenningar

Dómnefnd keppninnar skipuðu:

• Arnar Bjarni Arnarson
• Atli Fannar Franklín
• Samúel Arnar Hafsteinsson
• Unnar Freyr Erlendsson

Höfundar verkefnanna voru:

• Arnar Bjarni Arnarson
• Atli Fannar Franklín

Prófarar fyrir verkefnin:

• Alexander Kravberg
• Bernhard Linn Hilmarsson
• David Rasmussen Lolck
• Elias Lolck
• Joseph Luo
• Kelven Nathanael
• Pikatan Arya Bramajati

Sérstakar þakkir:

• Félag Tölvunarfræðinga, fyrir að veita verðlaunin
• Háskóla-, iðnaðar- og nýsköpunarráðuneytið, fyrir að styrkja samstarf háskólanna í kringum ICPC keppnirnar
• Háskólinn í Reykjavík, Háskóla Íslands og Háskólinn á Akureyri, fyrir samstarfið
• Kattis, fyrir að hýsa keppnina í kerfinu sínu
• Gunnlaugur Arnarson, fyrir aðstoð við undirbúning blaðranna og veitinganna
• Heiðrún Gróa Bjarnadóttir, fyrir aðstoð við undirbúning blaðranna og veitinganna
• Henning Úlfarsson, fyrir að vera tengiliður okkar í Háskólanum í Reykjavík
• Ólafur Jónsson, fyrir að vera tengiliður okkar í Háskólanum á Akureyri
• Steinn Guðmundsson, fyrir að vera tengiliður okkar í Háskóla Íslands
• Örn Gunnlaugsson, fyrir aðstoð við undirbúning blaðranna og veitinganna